പ്രണയം

ചില പകലുകൾ പറയുന്നു 
സ്നേഹിക്കരുതെന്ന്. 
തകർന്ന പ്രണയം നുള്ളിപ്പെറുക്കി 
ഞാനിപ്പോൾ നന്നായി വെറുക്കുന്നു. 
നമുക്കിനി അകന്നിരിക്കാം. 
മുഖം പൊത്തി കണ്ടില്ലെന്നുറപ്പു വരുത്താം, 
കണ്ടാലും കണ്ടില്ലെന്ന് നടിക്കാൻ 
പന്തയം വെയ്ക്കാം. 
“സ്നേഹം ഒടുങ്ങാത്ത വേദന” 
നീ പറഞ്ഞത് സത്യം തന്നെയാണ്‌. 
മുഖം ഉയർത്തിനോക്കുക 
സുഖമല്ലെ....? 
എന്നെങ്കിലും ഒരു വാക്ക് 
നേരങ്ങൾക്ക് പുറകിൽ നീ തീർത്ത പകലിനെ 
കാലം മായ്ക്കുമെന്ന് കണ്ടറിയണം. 
പ്രിയപ്പെട്ടവരേ... 
അടുക്കുന്നതിനേക്കാൾ നല്ലത് 
അകലാതെ അകലം സൃഷ്ടിക്കലാണ്‌. 
ഞാൻ മരിച്ചിരിക്കുന്നു.. 
പക്ഷെ 
എന്റെ ഓർമ്മകൾ ഉണർന്നിരിക്കുന്നു.